Curriolos da Pescadería

Mudámonos de enderzo

2009-03-11T17:05:00.002Z

Dende hai uns días, os Curriolos da Pescaría mudámonos de enderezo na rede:
http://curriolos.blogaliza.org
Un blogue con máis contidos, con máis espazos e que agardamos que sexa do voso agrado.

Os Curriolos da Pescadería, protagonistas en 'Aberto por reformas'

2008-11-13T12:27:00.005Z

O pasado mércores, Os Curriolos da Pescadería foron un dos protagonistas do programa Aberto por reformas da Radio Galega, que conduce Xurxo Souto, e que foi emitido en directo desde A Cova Céltica. Neste enlace podedes escoitar o programa, onde actuou o grupo coruñés Duplo Son e o noso compañeiro Brais Maceiras.

Noite do Samaín

2008-10-29T18:07:00.001Z

Na noite deste venres, cabazas, festa e sorpresas. Non faltes!!!

Debut na Liga Nacional da Billarda

2008-10-20T10:28:00.002Z

Os Curriolos da Pescadería debutamos o pasado domingo día 12 de outubro na Liga Nacional de Billarda. O noso equipo, no seu primeiro día de competición na Conferencia Noroeste, acadou un espectacular segundo posto, tendo ademais a honra de facer un dos varados da xornada grazas á habilidade da estrela do equipo, o señor Villarino. Ademais, Rodrigo puido deleitar ao público presente cunha das xogadas máis espectaculares da xornada, cun 'billardazo' sen ángulo na última das quendas. Por outra banda, o noso capitán, Pedriño, foi o protagonista da entrevista do día en Tele-Varal, a canle encargada da retransmisión e reportaxes da competición en toda Galiza, mentres que a prensa tamén se fixo eco da xornada vivida en Celas de Peiro.

A clasificación da xornada foi a seguinte: Os Xarutos, 24 puntos. Curriolos, 15. Atreu, 15. Taravelas, 14. Filloas de Sangue, 12. Furabolos, 11. Feniáns Galegos, 8.

Se queredes comprobar todos os resultados, só tedes que visitar a web da Conferencia Noroeste da LNB

San Xoán 2008

2008-07-09T19:52:00.002Z

Grazas a todos! Un ano máis, un novo éxito. Repetiremos.

I Trofeo Curriolo de Fútbol 3

2008-06-23T11:15:00.003Z

I Trofeo Curriolo de Fútbol 3

2008-06-22T10:15:00.007Z

O pasado sábado 21 a ASCR Os Curriolos da Pescadería celebramos o 'I Trofeo Curriolo de Fútbol 3' na parroquia de Elviña. Cinco sufridos equipos loitaron contra o sol, a abafante calor e os anos de máis (nalgún caso) para gozar dunha xornada de confraternidade e deporte desde as 11 da mañá. Os Dezeuristas foron os campións do campionato logo de impoñerse aos Matete's boys por 5-3 na gran final. Velaí van os resultados completos.

1ª xornada
A Cova 2 - Maqueados 10
Mallo, Pedro / Diego (7), Álex (2), Miguel

Dezeuristas 5 - Matete's Boys 4
Carlos (2), Pirri, Carro (2) / Matete, Pinone (3)

2ª xornada
Dezeuristas 7 - Impresentables 2
Carlos (2), Pirri (2), Carro (2), Pitu / Farruquito (2)

Matete's Boys 3 - Maqueados 2
Matete, Javito, pp / Diego (2)

3ª xornada
Impresentables 4 - Maqueados 11
Miguel (2), Alfredo (2) / Diego (9), Álex (2)

Matete's Boys 6 - A Cova 3
Matete (3), Trifón (3) / Mallo, Serafo (2)

4ª xornada
Dezeuristas 6 - Maqueados 2
Pirri (2), Carro (3), pp / Diego, David

Impresentables 4 - A Cova 3
Farruquito (2), Rodri, Adrián / Pedro (2), Serafo

5ª xornada
A Cova 3 - Dezeuristas 0
Mallo, Serafo, Pedro

Matete's Boys 4 - Impresentables 3
Trifón, Pinone (3) / Farruquito (3)

FINAL
Dezeuristas 5 - Matete's Boys 3
Pirri (2), Carlos (2), Carro / Matete, Trifón (2)

CLASIFICACIÓN FINAL
1. Dezeuristas
2. Matete's Boys
3. Maqueados
4. Impresentables
5. A Cova

Máximo goleador: Diego (Maqueados): 19 goles.
Equipo menos goleado: Matete's boys: 15 goles.
Equipo máximo goleador: Maqueados: 25 goles.

San Xoán

2008-06-10T14:24:00.003Z

Logo do éxito do ano pasado, os Curriolos celebraremos de novo o San Xoán con churrasco, sardiñas lañadas, empanada, viño, cervexa... E moita festa!!! O vindeiro luns 23 de xuño a partir das 20 horas, n'A Cova Céltica.

25 de abril. Día de Portugal

2008-04-11T11:23:00.000Z

O vindeiro venres 25 de abril, os Curriolos da Pescadería celebran o Día de Portugal en conmemoración da Revoluçao dos Cravos. Pola noite, n'A Cova Céltica (Rúa Orzán 82). Haberá fados, vídeos musicais, sorteo dunha cesta con produtos do país veciño e máis sorpresas. "Grândola vila morena..."

Sábado 1 de marzo-Asemblea xeral

2008-02-22T14:57:00.004Z

O vindeiro sábado día 1 de marzo a partir das 16.30 horas en primeira convocatoria e ás 17 horas en segunda celebrarase n'A Cova Céltica a asemblea xeral da asociación na que se tratarán diversos temas de interese para os Curriolos. Quedan convocados todos os socios e a directiva, así como aqueles que estean interesados en colaborar co noso colectivo, agora que cumpriremos un ano de vida. Asistide!

Entroido curriolo... Óscar campión!

2008-02-06T20:30:00.001Z

O gañador do concurso de disfraces, pola súa "gracia y salero", foi o gran Óscar. Felicidades campión!

Aquí, unha escolma dalgún dos disfraces deste Entroido 2008.

Entroido curriolo

2008-02-02T17:04:00.000Z

A ASCR Os Curriolos da Pescadería, en colaboración coa Cova Céltica, celebran o Entroido este luns 4 de febreiro a partir das 12 da noite. Haberá concurso de disfraces con premios. Apuntádevos!

Xornal 'Galicia'

2008-01-29T11:04:00.000Z

A ASCR Os Curriolos da Pescadería, en colaboración coa Rede de Acción Socio-Cultural Arredemo e o colectivo Burla Negra, convocan a todas as persoas indignadas co proceso de liquidación do proxecto cultural de Sargadelos a que colaboren e axuden na defensa de Isaac Díaz Pardo coa compra e a distribución do número cero do xornal 'Galicia'. Este periódico, un proxecto inacabado que nunca chegou a ver a luz malia os esforzos de numerosos galeguistas, foi o motivo principal da creación do IGI (Instituto Galego de Información) aló polo 1977. A devandita publicación, con vocación de país e galeguista, non foi posible, pero agora a súa recuperación simbólica servirá tamén como "acción en rede contra o silencio" que tantas veces nos queren impoñer. Podédelo mercar n'A Cova Céltica (Rúa Orzán, 82, A Coruña).

Sorteo da camiseta de Iago Iglesias

2007-12-18T11:39:00.000Z

O vindeiro sábado 22 de decembro, ás 12 da noite, celebrarase n'A Cova Céltica o sorteo da última camisola que Iago Iglesias usou co Deportivo. Deste xeito, o actual xogador do Elche e da selección galega quixo colaborar coa nosa asociación. Traede as vosas rifas e lembrade que aínda estades a tempo de comprar máis ata a mesma hora do sorteo.

CICLO DE CONFERENCIAS: Luns, 12 de novembro: 'Unha historia esquecida: o anarquismo coruñés'

2007-11-07T20:36:00.000Z

O próximo luns 12 de novembro a partir das 20.30 horas n'A Cova Céltica o historiador e membro da Comisión para a Recuperación da Memoria Histórica da Coruña, Eliseo Fernández, impartirá unha conferencia co título: 'Unha historia esquecida: o anarquismo coruñés'. Na devandita conferencia, Fernández falará sobre o movemento anarquista coruñés, que tivo o seu centro neurálxico no barrio de Monte Alto, e que foi fortemente reprimido pola ditadura franquista.

Samaín 2007

2007-11-05T16:00:00.000Z

Os Curriolos da Pescadería celebramos o pasado mércores 31 o Samaín (Festa das Caliveras, das Cabazas ou dos Calabazotes, como queirades chamarlle). Aí están Brais e Riaño con dúas das cabazas gañadoras do concurso. Houbo castañas, festa e bo ambiente. Esperámosvos o ano que vén para outra nova celebración desta festa tradicional en Galicia que volve recuperarse logo de anos da invasión do Halloween. Apertas!

Estas son algunhas das cabazas expostas antes de comezar a festa.

Unha das cabazas finalistas

A cabaza gañadora

LUNS 5 DE OUTUBRO, CONFERENCIA: 'Entre a historia e a lenda: a Torre de Hércules'

2007-11-02T09:48:00.000Z

O vicepresidente do Instituto Torre e director do Museo Arqueolóxico, José María Bello, ofrece unha conferencia na que tratará a historia e relevancia da Torre de Hércules, símbolo da Coruña, logo de ser proclamada como candidata a Patrimonio da Humanidade. O luns 5 de novembro a partir das 20.30 horas n'A Cova Céltica e baixo o título: 'Entre a historia e a lenda: a Torre de Hércules'. Haberá, ademais, proxeccións de imaxes do faro e das excavacións feitas na zona.

NOITE DO SAMAÍN

2007-10-16T11:32:00.000Z

Os Curriolos convídanvos á celebración do Samaín. O vindeiro MÉRCORES 31 haberá n'A COVA CÉLTICA castañas e festa para conmemorar unha data que volve coller pulo en Galiza logo de anos de intento de importar o Halloween ianqui, que non é máis que unha adaptación estadounidense dunha tradición moito máis antiga en países como o noso. Por suposto, haberá un CONCURSO DE CABAZAS DECORADAS, así que... Participade! Traédeas ben decoradiñas e a gañadora levará un premio. Feliz Samaín!

CHURRASCO-SARDIÑADA DE SAN XOÁN

2007-07-13T09:30:00.000Z

Os curriolos comezamos a xornada festeira con forza as 17 horas estreando a barra de fóra Por fin chegan as sardiñas lañadas, a delicatessen da noite.

As curriolas tamén van chegando para montar boa festa

E xa comeza entrar a chicha na grella, aí vemos ao fogoneru Serafu dándolle ás brasas

Que pasa neng!!!! Tanto furor cociñeiro precisa un stop para ver coma ían os partidos de ascenso do Fabril e do Racing de Ferrol.

O Iván xa non pode resistir ao arrecendo do churrasco e das lañadas

Cos bos aromas dos ricos alimentos comeza achegarse a xente ao carón da grella

Os expertos cociñeiros, co Sr. Villarino, supervisando danlle duro á grella

E non hai boa festa se non remata cunha foliada, e para iso estaban Tucho e Pedriño para animar a festa

2007-06-19T15:33:00.000Z

CHURRASCO-SARDIÑADA

DO DÍA DE SAN XOÁN

Outro ano máis celebramos a noite de San Xoán,é a noite coruñesa por excelencia,esa noite ne que todos festexamos coma irmaos a festividade do lume, da nova vida,da puificación da alma bañada en cervexa e alimentada cunha boa comilona de churrasco e sardiña.

Por todo isto os curriolos queremos convidar a todos os nosos amigos á churrasco-sardiñada que se fará n'a Cova Céltica o sábado día 23 deste mes a partir das 20 horas, na que por un módico prezo poderedes degustar de churrasco e das deliciosas sardiñas lañadas que nos preparará a avoa de Miguel, que é das poucas persoas que conservan en Galiza esta rica tradición.

Con todo isto, espero vervos esta noite tan especial para desfrutar connosco da festa e así axudar a que a festa e os curriolos se fagan máis grandes.

Actividades

2007-06-15T13:33:00.000Z

Xuño de 2007 n'A Cova Céltica:
-Exposición de fotografía 'Beateando
as Américas' de Miguel Otero (fotoxornalista)

7 de xuño do 2007 n'A Cova Céltica:
-Concerto Rober n' Scroll.
-merenda con embutido leonés

13 de xuño do 2007 n'A Cova Céltica:
-Charla do fotoxornalista Miguel Otero.
-Exposición fotográfica 'Beateando as Américas'

23 de xuño do 2007 n'A Cova Céltica:
-Noite de san Xoán:
Churrascada e sardiñas lañadas

2007-06-15T13:31:00.000Z

O noso presidente e entrenador coa copa

III Intertascas,07
Cova céltica 4
Repichoca 1

16 de marzo do 2007 data da fundación.

Partido Intertascas 2006